रुसका राष्ट्रपति भ्लादिमिर पुटिन युक्रेन युद्धको वर्ष दिन पूरा भएके अवसरमा आफ्ना देशवासीलाई सम्बोधन गरिरहेका छन् । मस्कोकोगोस्टिनी डावर हलमा भइरहेको उनको सम्बोधन सुन्नका लागि थुप्रै मन्त्री र अधिकारी उपस्थित छन् । यो अवसरमा रुसी संसदका थुप्रैसदस्य उपस्थित छन् ।

भ्लादिमिर पुटिनले आफ्नो सम्बोधन सुरु गर्ने बित्तिकै मानिसहरू उनको सम्मानमा उभिए ।

पुटिनले के भने ?

– यो समय हाम्रो देशका लागि जटिल र चुनौतीपूर्ण छ  र यस बीचमा यो संसार द्रुत रूपमा परिवर्तन हुँदै छ ।

– ऐतिहासिक घटनाहरूले हाम्रो देशको भविष्य निर्धारण गर्नेछ र हामी सबै ठुलो जिम्मेवारीमा बाँधिएका छौँ ।

– युक्रेनमा रुसको आक्रमण ‘विशेष अभियान’ हो । रुस निरन्तर नाजी खतरासँग जुधिरहेको थियो ।

– युक्रेन सरकारले पनि रुसप्रति घृणा र खतरालाई निरन्तर बढाइरहेको थियो ।

– युक्रेन रुस आएर सहयोग गरोस् भनेर पर्खिरहेको थियो ।

– रुसको डोनबास क्षेत्रमा चलिरहेको संघर्षको शान्तिपूर्ण हल निकाल्ने कोसिस गर्यो ।

– पश्चिमी देशहरूको शान्ति पुनर्स्थापनाको प्रतिबद्धता ‘धोका’ र ‘ठूलो झूट’बाहेक केही होइन ।

– युक्रेनले जैविक र आणविक हतियार सङ्कलन गर्ने प्रयास गरिरहेको थियो । हामी यस समस्याको शान्तिपूर्ण समाधान खोज्न सक्दोप्रयास गरिरहेका छौँ ।

– हामी यो कठिन द्वन्द्व अन्त्य गर्न शान्तिपूर्ण बाटो खोजिरहेका छौं, तर हाम्रो पछाडि एकदमै फरक वातावरण सिर्जना गरिएको छ ।